क्यानडामा आज नेपाल र क्यानडाबीच एकदिवसीय अन्तर्राष्ट्रिय खेल, नेपाल उच्च मनोबलसहित मैदानमा
मिति: २०२४-०९-१६ , समय : ११:०३:३० , Our Pradesh
Our Pradesh
क्यानडामा आज नेपाल र क्यानडाबीच एकदिवसीय अन्तर्राष्ट्रिय खेल, नेपाल उच्च मनोबलसहित मैदानमा
गत फेब्रुअरीमा नेदरल्यान्डसँग ८ विकेटले पराजित भएपछि, नेपाल आज पहिलो पटक एकदिवसीय अन्तर्राष्ट्रिय खेल्न लागेको छ। नेपाली समय अनुसार राति ७:४५ बजे क्यानडाको ओन्टारियोमा हुने खेलमा नेपालले क्यानडासँग प्रतिस्पर्धा गर्दैछ।
नेपालले भारत र श्रीलंकामा गरेको तयारी र टी-२० विश्वकपमा दक्षिण अफ्रिका र बंगलादेशविरुद्धको उत्कृष्ट प्रदर्शनपछि क्यानडा भ्रमणमा उच्च मनोबलका साथ शतप्रतिशत नतिजा ल्याउने लक्ष्य राखेको छ। त्रिकोणात्मक सिरिज अन्तर्गत नेपालले ओमान र घरेलु टोली क्यानडासँग डबल राउण्ड रोबिनका आधारमा खेल्नेछ।
यसपछि, नेपालले अमेरिका भ्रमण गर्दै स्कटल्यान्ड र अमेरिकासँग अर्को लिग-२ सिरिज खेल्नेछ।
प्रकाशित मिति: २०२४-०९-१६ , समय : ११:०३:३० , ९ महिना अगाडि
