बिहार विधानसभा चुनावअघि जेडीयूद्वारा ११ नेताहरू निष्कासित, पार्टी विरोधी गतिविधिमा संलग्न भएको आरोप

Our Pradesh

बिहार विधानसभा चुनावअघि जेडीयूद्वारा ११ नेताहरू निष्कासित, पार्टी विरोधी गतिविधिमा संलग्न भएको आरो

कात्तिक ९, २०८२, आइतबार — काठमाडौं।

आगामी बिहार विधानसभा चुनाव नजिकिँदै गर्दा जनता दल (युनाइटेड) – जेडीयू ले ठूला अनुशासनात्मक कदम चालेको छ। पार्टीले ११ जना नेताहरूलाई पार्टी विरोधी गतिविधिमा संलग्न भएको आरोपमा निष्कासन गरेको घोषणा गरेको हो।

 

शनिबार राति जेडीयूले सामाजिक सञ्जालमार्फत एक विज्ञप्ति जारी गर्दै भनिएको छ,

 

> “बिहार विधानसभा चुनाव २०२५ को सन्दर्भमा पार्टी विरोधी आचरण र गतिविधिमा संलग्न रहेका निम्न सदस्यहरूलाई पार्टीको प्राथमिक सदस्यताबाट निलम्बन तथा निष्कासन गरिएको छ। यो आदेश तुरुन्तै लागू हुनेछ।”

 

 

 

निष्कासनमा परेका नेताहरूमा शैलेश कुमार, संजय प्रसाद, श्याम बहादुर सिंह, रणविजय सिंह, सुदर्शन कुमार, अमर कुमार सिंह, आस्मा परवीन, लब कुमार, आशा सुमन, दिव्यांशु भारद्वाज र विवेक शुक्ला रहेका छन्।

 

जेडीयूको यो कदमलाई आगामी चुनावलाई लक्षित गर्दै पार्टीभित्रको अनुशासन मजबुत पार्ने प्रयासका रूपमा हेरिएको छ।

मुख्यमन्त्री नितीश कुमार नेतृत्वको जेडीयूले हालै बिहारका विभिन्न जिल्लामा र्‍याली र जनसभाहरूलाई तीव्रता दिइरहेको छ।

प्रकाशित मिति: २०२५-१०-२६ , समय : ११:५३:१० , २ महिना अगाडि