एमालेको शक्ति प्रदर्शनमा इन्धनको ‘आकर्षण’: सिरहा र्यालीमा कार्यकर्तालाई बाँडियो पेट्रोल-डिजेल
मिति: २०२५-११-१५ , समय : २१:३६:१२ , Our Pradesh
Our Pradesh
एमालेको शक्ति प्रदर्शनमा इन्धनको ‘आकर्षण’: सिरहा र्यालीमा कार्यकर्तालाई बाँडियो पेट्रोल-डिजे
सरकारी स्रोतको आरोप अस्वीकार, पार्टीले चन्दा उठाएर बाँडेको एमालेको दाबि
सिरहा: नेपाल कम्युनिस्ट पार्टी (एमाले) ले सिरहा सदरमुकाममा प्रतिनिधिसभा पुनर्स्थापनाको माग गर्दै आयोजना गरेको मोटरसाइकल र्याली तथा जागरण सभामा सहभागीहरूलाई आकर्षित गर्न इन्धन वितरण गरेको पाइएको छ।
शनिबार आयोजित यस कार्यक्रमका लागि गाउँ-गाउँबाट मानिसहरू उतार्न सवारीसाधन प्रयोग गरिएको र तिनलाई इन्धन उपलब्ध गराइएको हो। सिरहास्थित जयशंकर ट्रेड सेन्टर मा सवारीसाधनमा इन्धन वितरणको अगुवाइ गरिरहेका एक एमाले कार्यकर्ताले प्रति मोटरसाइकल ३ लिटर पेट्रोल बाँडिएको पुष्टि गरेका छन्। यसैगरी, गाउँबाट मान्छे बोकेर आएका ठूला सवारीसाधनहरूलाई भने १० देखि १५ लिटरसम्म डिजेल तथा पेट्रोल दिइएको थियो।
के भन्छन् एमाले नेता?
यस र्यालीमा सिरहा जिल्लाका १७ वटै स्थानीय तहबाट करिब ८ हजार मोटरसाइकल र १५ हजारभन्दा बढी मानिस सहभागी भएको एमालेका मधेश प्रदेश अध्यक्ष चन्देश्वर मण्डल ले दाबी गर्नुभयो।
इन्धन वितरण गरिएको विषयलाई सुरुमा अस्वीकार गरेका अध्यक्ष मण्डलले ‘जिल्लामा जितेका स्थानीय तहको सरकारी स्रोतबाट पेट्रोल बाँड्नुभयो’ भन्ने कान्तिपुरको प्रश्नमा जवाफ दिँदै भन्नुभयो:
“सरकारी रकमबाट होइन। पार्टीले कार्यकर्ताबाटै सहयोग उठाएर इन्धन दिएको हो।”
सरकारी सवारीसाधनको दुरुपयोगको चर्चा
यस कार्यक्रममा सरकारी सवारीसाधन पनि व्यापक रूपमा दुरुपयोग भएको पाइएको छ। कार्यक्रममा एमालेका स्थायी कमिटी सदस्य लिलानाथ श्रेष्ठ (सिरहाका बासिन्दासमेत) सहित प्रदेश र जिल्ला तहका नेताहरू सहभागी थिए
प्रकाशित मिति: २०२५-११-१५ , समय : २१:३६:१२ , २ हप्ता अगाडि
