रङ्गेली–८ मा तीन दिनदेखिको रहस्यमयी आगलागी : प्रहरी अनुसन्धानले छोरीकै संलग्नता रहेको खुलासा

Our Pradesh

रङ्गेली–८ मा तीन दिनदेखिको रहस्यमयी आगलागी : प्रहरी अनुसन्धानले छोरीकै संलग्नता रहेको खुलास

रङ्गेली । मोरङको रङ्गेली नगरपालिका–८, बेदामारी खोला किनारको बस्तीमा विगत तीन दिनदेखि निरन्तर रूपमा अज्ञात कारणले आगलागी भइरहेपछि स्थानीय त्रसित बनेका थिए। विभिन्न घर, गोठ तथा आँगनमा अचानक आगो बल्ने घटनाले गाउँभरि आतंक सिर्जना भएको थियो।

 

स्थानीयवासीबाट आएको उजुरीपछि प्रहरीले विस्तृत अनुसन्धान अघि बढाएको थियो। प्रारम्भिक रूपमा प्राकृतिक वा आकस्मिक कारण अनुमान गरिए पनि, गहिरो अनुसन्धानपछि घटनाको वास्तविक कारण सबैलाई स्तब्ध पार्ने खालको रहेको पत्ता लागेको हो।

 

प्रहरीका अनुसार, लगातार भइरहेको आगलागी पीडित घरकै छोरीले नै भइरहेको प्रमाणित भएको छ। आगलागी भएको घरसमेत भएको एकजनाकी छोरीले विभिन्न स्थानमा आगो लगाउँदै आएको सुराकी र प्रमाण प्रहरीले संकलन गरेको जनाएको छ। अनुसन्धानपछि उनलाई नियन्त्रणमा लिइएको छ।

 

स्थानीयहरू निकै तनावमा थिए। दिनहुँ राति आगलागी हुने क्रमले बस्तीमा अफवाह र त्रास फैलिएको थियो। “बिना कारण आगो सल्किँदै गएको देख्दा गाउँमै अशुभ केही हुन लागेको जस्तो लागेको थियो,” एक स्थानीयले बताए।

 

प्रहरीले भने घटनाको कारणबारे थप अनुसन्धान भइरहेको जनाएको छ। मानसिक स्थिति, घरायसी तनाव वा अन्य कारणले यस्तो कार्य भएको हो कि भन्ने विषयमा विशेषज्ञ परामर्शसहित छानबिन जारी छ।

 

तीन दिनदेखि निरन्तर बसाइ–सुरक्षा प्रभावित हुने गरी फैलिएको आगलागी रोकिएपछि स्थानीयवासीले राहतको महसुस गरेका छन्। प्रहरीका अनुसार आवश्यक कानुनी प्रक्रिया पूरा भएपछि घटनाबारे थप विवरण सार्वजनिक गरिनेछ।

प्रकाशित मिति: २०२५-११-३० , समय : ०८:३६:२१ , १९ घन्टा अगाडि