राष्ट्रियसभा निर्वाचनः एमालेले ६ उम्मेदवार टुंगो लगायो, मधेशको एक सिट अझै खुला
मिति: २०२६-०१-०७ , समय : ०९:५६:२० , Our Pradesh
Our Pradesh
राष्ट्रियसभा निर्वाचनः एमालेले ६ उम्मेदवार टुंगो लगायो, मधेशको एक सिट अझै खुल
नेकपा (एमाले)ले आगामी माघ ११ गते हुने राष्ट्रियसभा सदस्य निर्वाचनका लागि ६ जना उम्मेदवारको नाम टुंगो लगाएको छ। गठबन्धनमार्फत सात सिट पाएको भए पनि मधेश प्रदेशबाट एक जना उम्मेदवारको नाम भने अझै तय हुन बाँकी रहेको छ।
राष्ट्रियसभा निर्वाचनका लागि एमाले, नेपाली कांग्रेस, नेकपा (माओवादी केन्द्र) र जनता समाजवादी पार्टी (जसपा) नेपालबीच तालमेल भएको छ। सोही तालमेलअनुसार एमालेले सात सिटमा दाबी गरेको हो।
प्रदेशगत रूपमा एमालेले कोशी प्रदेशबाट रोशनी मेचे, बागमती प्रदेशबाट डा. प्रेमकुमार दंगाल, गण्डकी प्रदेशबाट सम्झना देवकोटा, लुम्बिनी प्रदेशबाट रामकुमारी झाँक्री, कर्णाली प्रदेशबाट मीना रखाल र सुदूरपश्चिम प्रदेशबाट लीलाकुमारी भण्डारीलाई उम्मेदवार बनाउने निर्णय गरेको छ।
पार्टी सचिवालयको बैठकपछि अध्यक्ष केपी शर्मा ओलीले उम्मेदवारहरूको नाम टुंगो लगाएका हुन्। मधेश प्रदेशको उम्मेदवार चयनबारे भने छलफल जारी रहेको पार्टी स्रोतले जनाएको छ।
यसैबीच, निर्वाचन आयोगले राष्ट्रियसभा सदस्य निर्वाचनका लागि आज उम्मेदवारको मनोनयन दर्ता कार्यक्रम तय गरेको छ। आयोगका अनुसार आज बिहानदेखि दिउँसोसम्म सम्बन्धित निर्वाचन अधिकृतको कार्यालयमा मनोनयन दर्ता गरिनेछ।
प्रकाशित मिति: २०२६-०१-०७ , समय : ०९:५६:२० , १ हप्ता अगाडि
